Koordînasyonê KJKyî eşkerayîya nuştekîye daye û vat pêvînayîşê Rayber Apo yê 23ê teşrîna verêne  zaF muhîm o la no nîno manaya wedaritişê tecrîdî.

Eşkerayîya KJKyî qismêk wina yo:

''23ê teşrîna verêne de badê 4 mengan Rayber Apoyî reyde pêvînayîş ame kerdene. Rayber Apoyî ra xebergirewtiş averşîyayîşo muhîm û biman yo. Seba ke şar û gerîlayanê ma û dostanê ma xeta Rayber Apoyî de bêmabên têkoşîn kerd no netîce ame girewtene. Ma nê netîceyî pîroz kenê.  Pêro xoverdayoxî bi selamanê Rayber Apoyî bîyî şar û moral girewt. Reyna ame îspatkerdene ke her şertî de têkoşînkerdiş ciwîyayîş û serkewtiş o.

Rayber Apoyî nê pêvînayîşî de bitaybetî vato tecrîd dewam keno. No pêvînayîş nîno manaya wedaritişê tecrîdî. 1ê teşrîna verêne de hetê Îtîfaqê Cumhurî ra Rayberîya ma bena babete û çareserîya meseleya kurdan ser ra muneqeşeyî yenê kerdene. Hukmatê AKP-MHPyî gama ke kewno tengayî dest pê kayan keno. Xora prosesanê verênan ra her kes zano.

Semedê çareserîya raşt û demokratîke 90yan ra nana Rayber Apo gamanê cesur û bimana erzeno. Rayberîya ma û têgêrayîşê ma tim tewirê xo eşkera mojnenê ra.Ganî Rayber Apo sey muxatab bêro girewtene û polîtîkayê samîmî û durustî bêrê averberdene û gamî bêrê eştene. Nameyê ci çi beno wa bibo eke gamê mehkemî merê eştene no komployê neweyî ra cîya nîyo. Ganî şarê ma hîşar bo û têkoşînî xurtêr bikero. Pusulaya ma ya esase Rayber Apo yo. Pusulaya ma ya esase Rayber Apo û vatişê ci yê.

Bi nê pêvînayîşî tecrîdê serê Rayber Apoyî nêame wedaritene. Heta ke tecrîd bêro wedaritene û Rayberîya ma şertanê azadan de bieşko sîyaset bikero xurtkerdişê têkoşînê ma zaf muhîm o. Na çarçewa ganî hemleya azadîya fîzîkîye ya Rayber Apoyî dahîna bêra xurtkerdene. Ganî hewtî ra heta hewtayî her kes zerîya safî ra tewrê prosesî bibo. Ganî cinîyî serkêşîya nê prosesî bikerê. Ganî ma serra diyîne de hemle biresnê merheleya pîle û esaretê Îmraliyî biqêdînê.''