Koordînasyonê KJKyî bi wesîleya rojbîyayîşê Rayberê Şarê Kurdî Abdulah Ocalanî eşkerayîyêke weşanaye. 

Eşkerayîye wina ya:

''Rojbîyayîşê Rayberê ma ke yeno manaya rojbîyayîşê cuya azade sere de merdimê azadî Rayber Apoyî rê, şarê kurdî, Rojhelatê Mîyanênî, cinîyan û pêro merdimîye rê fîraz bibo! Ma rojbîyayîşê Rayber Apoyî bi hesretêkê pîlî fîraz kenê. Dadîrabîyayîşê ci ganîbîyayîşê cinîyan û şaran o.Rojbîyayîşê Rayber Apoyî newe ra ganîbîyayîş û estbîyayîşê kurdan o. Dadîrabîyayîşê Rayber Apoyî erjê kurdan û erjê demokratîkî yê hemdemî resnayî yewbînan. Rayber Apo paradîgmaya komelpawitoxe  azadîye dîyarîya merdimîye keno. Rayîrêkê vejîyayîşê mîyanê krîzê modernîteya kapîtalîste têna no yo. 

Ganî edalet û înfaz de huqûqo têdûşt sey esas bêro girewtene.Ganî sere de Rayber Apo pêro tepişteyî cade bêrê veradayene. Ganî pêro dezgehê mîyanneteweyî seba naye têbigêrê. Xora Rayber Apo 22 serran ra nata binê tecrîdêkê mutlaqî de yo. Rayber Apoyî tarîxê kurdan, tarîxê Rojhelatê Mîyanênî, tarîxê koledarîya cinîyan vurnayî. Na raştîye nêna înkarkerdene. Ganî tecrîd bêro wedaritene. Rayber Apo cuya mîlyonan kesan o.

Seba Rayber Apoyî dadîrabîyayîşê merdiman fîraz o. Rayber Apo bi nê hawayî ciwîya û seba her kesî bi mîsalêk. Rayber Apo seba azadîya şarê kurdî, demokratîkbîyayîşê Rojhelatê Mîyanênî û seba azadîya merdimîye her hêla cuya xo de têkoşîn kerd. Seba wedaritişê tecrîdî û azadîya Rayber Apoyî, rijnayîşê faşîzmê AKP-MHPyî bi hezaran kesî xeta Rayber Apoyî de xo ver danê. Cinîyî seba ke deynê xo bidê Rayber Apo ke ganîbîyayîşê cinîyan ard ca, seba awanîya cuyêka azade, ma do bi hawayêkê fedayî tewrê prosesê bibê.

Rojbîyayîşê Rayber Apoyî de ma tecrîdê mutlaqî biqedînê. Pê xoverdayîşê xo ganî ma pê metodanê cîyayan têkoşîn bikerê Ganî şarê kurdî hêrsê xo tûj bikero, hîşmendîya xo xorin bikero û xo serewedaritişanê pîlan amade bikero. Mumkîn nîyo ke ê rojbîyayîşê 4ê Nîsane bidê vîrkerdene. No dadîrabîyayîş do şert û mercanê tewr giranan de bivuro hêz û îradeyê têkoşînî û têkoşînê azadkerdişê merdimîye û no do şarê kurdî û şarê Rojhelatê Mîyanênî xurtêr bikero. Ma venga şarê xo û hêzanê demokrasîyî danê ke 4ê Nîane de têkoşînê seba ke çinkerdişê tecrîdî û rijnayîşê faşîzmî zêde bikerê; keye, taxe, sîteyan de daran ronê û bi nê hawayî berpirsîyarîya xo ya vera Rayber Apoyî bîyarê ca. Rayber Apo semedê ma yê estbîyayîş o. Wext ameyo ke ma seba azadîya Rayberê Konfederalîzmê Demokratîkî têkoşîn pîl bikerê.''