Koordînasyonê KJKyî derheqê tecawuzê Kercewsî de eşkerayîyêka nuştekîye daye.

Eşkerayîye wina ya:

''Serdestîya camêrdan ewro bi modernîteya kapîtalîste resa asta tewr berze. Şîdet û tecawuzê cinîyan zêdîyenê. 

Dewleta tirke bi polîtîkaya tecawuzî hêrişê îradeyê cinîyan ê azadan kena.Erdogano tecawuzkerd û raştîya Soysuzî xo tecawuzê Kercewsî de mojnenê. Ma nê hêrişê faşîst û gemarinî şermezar kenê. Bi nê tecawuzan ê wazenê kurdan teslîm bigêrê û erjanê têkoşînî biqedînê. Hêrişê vera cinîyan hêrişê vera rayberîya cinîyan ê. Polîtîkaya tecawuzî ya ke Kurdîstan de hetê hêzanê dewlete ra yena caardene, wazena kurdan bêerj bikera û bêpawitiş war verda. Kurdîstan de tecawuz polîtîkaya dewlete ya sîstematîk a.

Seke Rayber Apo zî eşkera keno cinîye erd, welat û cu ya. Polîtîkaya tecawuzî ya cerganê Bahçelî û Erdoganî na raştîye kenê hedef. Tecawuzê Kercewsî heman wextî de tecawuzê azadî, welat, rûmet, cuye û komelî kerd. 

Sere de cinîyê kurdî ganî şarê kurdî nê hêrişan rê vajê bes o û tecawuz qebul nêkero. Dewleta cerge ya Erdogan û Bahçelîyî wexto ke nê polîtîkayan ana ca hêzê xo kesanê pûçan ra gêna 3u nê kesan kena çeka şerê qirejî. Nê kesî bêrûmetîye kenê pîl. 

Têgêrayîşê Azadîye yê Cinîyan ê Kurdîstanî seba çinkerdişê raştîya dewlete-camêrdî û tecawuzkeran ra hesabpersayîşî qerardar o. Têna hêzê dewlete nê kesê ke bi hemkarî, ajanî û paştdayîşî zemînê tecawuzî xurt kenê do hesab bidê. Îradeyê cinîyan ê azadan do vera kulturê tecawuzî têkoşîn bikero.

Nê esasî ser o rayberîya KJKyî de ma Hemleya 'Vera qirkerdişê cinîyan wext wextê pawitişê cinî û komelê azadî yo' daye destpêkerdene û ma do îqtîdarê cergan, dewlete û camêrdan çin bikerê. Kesê ke vera hêrişanê tecawuzî vengê xo nêkenê mesuldarê ney ê.Ma venga pêro kesan danê ke nê têkoşînî de ma reyde bibê yew.''