Koordînasyonanê Komalên Jinên Kurdistan (KJK)  û Partiya Azadiya Jinên Kurdistan (PAJK) derheqê hêrişê îşxalî yê dewleta tirke yê vera Rojawanî de eşkerayîye daye û nê pare kerdî:

''Şorişê Cinîyan û Şaran ê Rojawanî ke 13. serrî xo dima verdayî bi qewimîyayîşanê peyênan binê tehdîtanê girdan de yo. Bado ke HTŞyî verê xo da Şamî rewşe herême bedilîyaye. Dewleta tirke ya ke sere de DAÎŞ heme çeteyan reyde îtîfaqê ci est o, kena ke na rewşa goreyê xo bişuxulno û hêrişê vera Rojawanî kiriştî merhaleya bîne.

Ewro Rojawan de şarê kurd, ereb, ermenî, sûryanî, çerkez û tirkmenî çarçewaya netewa demokratîke de pîya şertanê seyyewbînî û azadî ciwîyenê. No serêkîya cinîyan de bi bedelanê girdan ame meydan. No şorişo ke bi hezaran şehîd û gazîyê ci est ê eynî wextî de şorişê cinîyan o. Coka Rojawan semedê heme cinîyan ê dinya çimeyê îlhamî yo.

Dewleta tirke ya îşxalkere roja verêne ya Şorişê Rojawanî ra îradeyê cuyeya azade û sîstemê ci qebul nêkerd. 2024 de bi destê DAÎŞî hêrişê destkewteyanê cinîyan û şaran kerd û semedê îşxalkerdişê herra azade konseptê qirkerdişî fîna dewre. Efrîn, Girê Sipî û Serêkaniyê ameyî îşxalkerdene û bi hezaran qetilkerdene. Dewleta tirke seba ke plananê qirkerdişî bîyaro caardene munaqeşeyê haştîye û çareserîye fînayî dewre.

Planê îşxalkerdişê Minbicî planê îşxalkerdişê Rojawanî yê. Xora yeno zanayene ke badê Minbicî ê do cade hêrişê Kobanê bikerê.Wa her kes bizano ke Kobanê yena manaya Şorişê Rojawanî. Bi hezaran çeteyê DAÎŞî herêmanê Rojawanî de tepişteyê. Nê hêrişî rewşa zîndanan zî fînena tehluke.Her hetî ra tehlukeyê newera ganîbîyayîşê DAÎŞî gird o. Na çarçewa de eke facîayêke bibo hêzê koalîsyonê mîyanneteweyîyî zî benê berpirsîyar. Nê hêzî ganî berpirsîyarîya xo bîyarî ca.

Til Rifet û Şehba de badê netîceya hêrişan de bi se hezaran kesî erdê xo ra bîyî. Hem şertê zehmetî yê zimistanî hem zî hêrişê dewleta tirke ra şar tengayîya pîle anceno.Îdareyo  Xoser, şarê Rojawanî semedê hetkarîye çîyo ke destê ci ra yeno kenê. Şarê ma ganî bi ruhê seferberîye hetkarîye bikero. Ganî ma bi ruhê Kobanê her roje bikerê roja têkoşînî.

Vera hêrişanê îşxalî yê vera Rojawanî bêvengmendiş hemkarîya sûcê şerî ya. Na çerçawe de sere de dezgehê mîyanneteweyîyî ganî rol û mîsyonê xo bîyarî ca. Ganî nê dezgehî warê teyarayan dewleta tirke rê biqefilnê û şirê ci ser û Erdogano faşîst sey sûcdarê şerî bêro muhakemekerdene. Şorişê Cinîyan ê Rojawanî bi felsefeya “Jin, Jiyan, Azadî” heme cinîyan ê dinya rê bi îlham. Ma veng danê heme cinîyan ê dinya. Ma pêro pîya wayîrê şorişê cinîyan bivejê.''