Koordînasyonê KJK'yî bi eşkerayîyêka nuştekîye şexsa Bêrîtane (Gulnaz Karataşe) de şehîdê cinîyî yê menga Teşrîna Verêne yad kerdî.

Eşkerayîye de ame vîrvistene ke artêşa Tirkî ya faşîste pêroyê hêzanê xo reyde hêrişê Başûrê Kudistanî kerd û 25'ê Teşrîna Verêne de cepheyê Xakurkê de Bêrîtane (Gulnaz Karataşe) rayîrê Besê û Zerîfeyan de û heta fîşekê xo yê peyênî şer kerd, dima ke çekê xo şikit, xo hişarî ra eşte û bi nê hewayî bîye nameyê destanêkê xoverdayîşî.

Eşkerayîya KJK'yî wina ya:

"Netîceyê nê xoverdayîşî de hêzê xopawitişî yê cinîye verba teda û zorbazîya pederşahîye û dewlete, pawitişê komelî û cinîye de bîye wayîrê rolî û wezîfeyêko pîl. Coka embaza Bêrîtane têkoşînê cinîyan de têna sembol nîya, xeta cinîya azade ya alternatîfe ya. Na xete verba polîtîkayanê ke dişmenê cinîye yê, sîstemo kapîtalîst modernîst vengdayîşê têgêrayîşî, vengdayîşê rêxistinbîyayîş o. Bîye nameyê naye ke sazkerdişê komelî û cinîyanê azadan de her hêla cuye û her ca de  bi xeta xopawitişî ya artêşbîyayîşî estbîyayîşê xo bipawe, azadîya xo bivirazê.

Hêzanê verba şorişîyê ke polîtîkayê xîyanet û qirkerdişî newe ra viraştî, şexsê  dewleta Tirkî ya faşîste de sere de herêmanê Bradost û Heftanîn de hêrişê cayan ê azadan ê Rojawanî kenê. Armancê înan no yo ke Kurdan qir bike, cayanê cinîyan ê azadan û şarê Kurdî çin bikê, waştiş û hêvîya cuya azade çin bikê. Hem gerîla hem zî cinîye, şar û dostê Kurdan verba naye vanê, 'Eke do bibo ganî cuyêka azade bibe' û xo ver danê û cepheyanê têkoşînî kenê hira.

Xeta Bêrîtane û cuya bi rengê Bêrîtane çinkerdişê hêrişkarîya emperyalîstî, îradeyê utopyaya amayoxî seba estbîyayîş û azadîya merkezê hişê kolektîfî, sazkerdişê cuya azade, rastîye û têkoşerîye temsîl ken a. Seba pawitişê Şorişê Rojawanî ma veng danê cinîyanê Kurdî, cinîyanê Rojakewtena Mîyanêne û dinya ke verba hêrişanê DAÎŞ'î û  hemparê ci dewleta Tirkî  destkewteyanê cinîyan bipawê û înan rê wayîr bivejîyê."