KJKyî seba Habîbe Çîftçî mesajê serweşîye weşana. Eşkerayîya Koordînasyonê KJKyî wina ya:

''Habîbe Çîftçî 20ê çeleyî de Aydin de kanserî ra wefat kerd. Habîbe Çîftçî serra 1975î de Bedlîs-Norşîn de dadîya xo ra bîye û keyeyêkê welatperwerî de bîye pîl. Têgêrayîşê ma yê azadîya cinîyanê kurdan nika sînoranê xo ra derbaz beno û beno têgêrayîşêkê unîversalî. Bingeyê têkoşînê Rayber Apoyî ser o Vakurê Kurdîstanî de bi mîlyonan cinîyî seke şexsê Habîbe Çîftçî de yeno dîyene mîyanê têkoşînî de xo nas kenê û rûhê azadîye ser o xo aver benê. Ma bi xemgînî pê hesîyayî ke embaza ma ya fedkare a şarê kurdî Habîbe Çîftçî wefat kerd.  Ma aye bi mînet yad kenê. Wexto ke merdim bala xo dano tarîxê têkoşînê şarê kurdî ser vîneno ke keyeyî estê ke bi her hawayî tewrê têkoşînî bîyî. Sayê nê merdiman têkoşînê azadîye qet tawîz nêda, bi pîl. Keyeyê Habîbe Çîftçî zî wina yew keye bi.Ma wefatê Habîbe Çîftçî ra keyeyê ci rê û embazanê ci yê gerîlayan rê serweşîye wazenê.''