Koordînasyonê KJKyî eşkerayîyêka nuştekîye daye û seba xurtkerdişê têkoşînê hemparî veng da.

Eşkerayîye wina ya:

''Ma dewrêkê winasênî de ke krîzo tewr xorin o tarîxî verê berî de yo. Hêzê dewlete û îqtîdarî xîret kenê ke sîstemê xo yê kapîtalîstî pêro komel û mezgê merdiman ra vila bikerê. Tewr peyên bi vîrusê Korona eşkera bi ke maskeyê dewletan û camêrdan kewtî war. Nêweşîya Korona hetê nînan ra seba talankerdişê cinîyan û merdimîye bi hawayêkê zalimî şuxilîyena.

Kurdîstano ke merkezê Şerê Dinya yê 3. de yo, merkezê krîz û kaosanê merdimîye de yo. Tewir û xoverdayîşê Rayberê ma Abdullah Ocalanî yê Zîndanê Îmraliyî tarîxî yê. Têgêrayîşê ma yê azadîye yê Kurdîstanî rayberîya Serekê ma Abdullah Ocalanî de Kurdîstan îdare keno, Têgêrayîşê Azadîye yê Cinîyan ê Kurdan afernayîşê Modernîteya Demokratîke de seba merdimîye rolê rayberîye ano ca.

Serra 2020î seba şar û cinîyanê ma bi xoverdayîşêkê qerardarî derbaz bîye. Cinîyan ê kurdan serra 2020î de her parçeyê Kurdîstanî de, Ewropa de û pêro dinya de bi îdîayêka pîle rayberîya azadî û xoverdayîşî kerde.

Cinîyî prosesê Korona de keyeyan de heps mendî, kişîyayî û maruzê şîdetê camêrdan mendî. Keye de mendişseba cinîyan bi neçareserîyêka pîl û tengîye. Muxalefetê cinîyan keyeyan de yeno fatisnayene. La reyna zî cinîyan serra 2020î de xoverdayîş û serewedaritişî ra fek vera nêda.

Serra 2020î de sere de Heftanîn de ma xeylêk herêman de bedelî dayî. Kadroyê ma yê serkêşî Leyla Agirî, Zîne, Aryana, Esmere,Sema Koçer, Doga û tay embazê bînî yê cinîyî nê şerî de şehîd bîyî. Vakurê Kurdîstanî de bi hezaran cinîyî seba ke cuya azad û têdûşte wazenê tepişîyayî. Dest nîya destkewteyanê cinîyan ser. Vakurê Kurdîstanî de û Efrîn de çarçewa şerê taybetî de çawişanê pisporan û wezîfedaranê dewleta tirke tecawuzê cinîyan ê kurdan kerd.

Labelê rixmê teda, îşkence û hêrişanê giranan cinîyan ê kurdan bi fedakarîyêka bêhempa,bi waştişê azadîye seba estbîyayîşê xo xo ver da.

Cinîyan ê kurdan vera her metodê şîdetî xo ver da

Cinîyan ê kurdan vera dewleta tirke ya faşîst, zulmker û kolonyalîste Vakur, Başûr, Rojawanê Kurdîstanî de xo ver da. Vera dewleta Îranî cinîyê kurdî bîyî bingeyê muxalefetî. Cinîyê kurdî teslîm nêbîyî.

Coka ma serra 2021î bi ruhêkê pîlî yê xoverdayîşî pêşwazî kenê. Serra 2021î de cinîyê kurdî do vera faşîzmî, murtecîtî û ajanîye bi fedakarî, çêrî û tecrubeyanê xo cepheyanê tewr vernîyan de ca bigêrê.

Ma venga şarê xo, şaran û bawerîyan Rojhelatê Mîyanênî danê:

Serra 2021î reyde ma dest pê serrêka girîng û krîtîke kenê. Vera dewleta tirke ya zorbaza ke wayîrê heman hîşmendîya DAÎŞî ya ma xoverdayîşê xo û têkoşînê hemparî pîl bikerê. Ma sey cinîyan ê kurdan her ca û wext de ma do rayberîya xoverdayîşî bikerê.

Ma do polîtîkayanê înkar, çinkerdiş, asîmîlasyon û îşxalî yê vera şaranê ma pêçalakîyanê xo pûç bikerê.

Ma venga cinîyan danê:

Seserra 21. do biba seserra azadîye ya cinîyan. Sîstemê serdestîya camêrdan mîyanê krîzî de yo. Sîstem wazeno xo newe ra restore bikero, serreya xo derg bikero. La îmkanê ci çin ê. Çunke raştîya cinîyan ê zanayeyan û rêxistinbîyayeyan aver şina. Ma sey cinîyanê ke rayberê azadîye yê, rêxistinîya xo, têkoşînê xo yê hemparî yê cinîyan vera dewlete û îqtîdaranê talankeran pîl bikerê.

Bi yewîyan cinîyan û têkoşînê hemparî xoverdayîşo tewr pîl yeno caardene. Cuya azade ya alternatîfe nê esasî ser o awan bena. Cinîyê kurdî, cinîyê dinya do bi hemkarîya cinîyan bi ruhê fedayî serra 2021î de rayberîya azadîye û xoverdayîşî bikerê.

Serra 2021î de bi xoverdayîş, rêxistinbîyayîş, têkoşîn û îtîfaqê hemparî, bi xopawitişî ma do ser bikewê. Serkewtiş do ê xoverdayoxan bibo. Nê esasî ser o ma serra newîye ya Rayber Apoyî, cinîyan, şarê ma û şaranê ma fîraz kenê. Wext wextê rijnayîşê faşîzmî yo.''