Komîsyonê Cinîyan ê KNKyî bi eşkerayîyêke tepişîyayîşê Hemsereka KCDyî Leyla Guven şermezar kerd.

Komîsyonê Cinîyan îfade kerd ke îqtîdarê AKP-MHPyî bingeyê xo dişmenîya vera kedkar, kurd, cinî û bindestan ser o nayo ro. Eşkerayîye de ame parekerdene ke Leyla Guven bi serran vera hêrişan û rejîmê faşîstî têkoşîn kerd û qet vera zulman sereyê xo nêard war.

Komîsyonê Cinîyan vist vîrî ke Leyla Guven heman wextî de xebatanê yewîya neteweyîye de ca girewt. Komîsyonî vat: ''Leylayî do her tim warê têkoşînî de yê û do qet vera gefan meydanan ra nêvejîyê. Wa bizanîyo ke teda û zorbazîyî seba ma sebebê berzkerdişê têkoşînî yê.''

Hetê bînî ra Komeleya Huqûqnasan ê Azadan (OHD) û Cinîyan ê Komunustan ê Şorişgêran zî bi eşkerayîyêka nuştekîye tepişîyayîşê Leyla Guven şermezar kerd.