Goreyê doneyanê Komîteya Cinîyan Kantonê Kobanê de hûmara serebûtanê xokiştişî bîye tay. Serra 2018î de kesê ke seba xokiştişî ameyî teşwîqkerdene 14 tenî bîyî, serra 2019î de zî 3 kesan xîret kerd ke xo bikişê.

Semedê xokiştişî; tedaya psîkolojîke, şerê herême, meseleyê keyeyî û komelkî û bêhîşmendîye yê.

Kobanê de goreyê serranê peyênan hûmara serebûtanê xokiştişî bîye kêm. Serra 2019î de 3 kesan xîret kerd ke xo bikişê. Ame parekerdene ke kêmbîyayîşê serebûtanê xokiştişî de xebatê perwerdeyî yê sey çareserîyanê meseleyanê komelkîyan û psîkolojîkan zaf bitesîr bîyî.

Îdarekara Komîteya Perwerdeyî ya Kongreya Starî Feleke Yûsif da zanayene ke şerê herême bi hawayêkê xirabî tesîrê şarî keno.

Kongreya Starî seba ke verê xokiştişan bigêra panelî, konferansî, semînerî û kombîyayîşî serûber kerdî. Heman wextî de seba cinîyan û camêrdan Kobanê de Akademîya Şehîde Şîlane de termînê perwerdeyî da destpêkerdene.

Semîneran û perwerdeyan de derheqê perwerdeyê psîkolojîkî, hîtab, têkilîye, kultur, rastîya cinîyan a tarîxî, tesîranê xiraban ê serdestîya camêrdan ê vera komelî de dersî ameyî dayene.

Sereka Komîteya Cinîyan a Herêma Firatî Feryaze Bîrkul ard ziwan ke ê xîret kenê ke meseleyanê cinîyan çareser bikerê û bi xebatanê dezgehanê cinîyan ê Kobanê hûmara serebûtanê xokiştişî bîye kêm.