Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê tepişteyan grevê vêşanîye dabi destpêkerdene. Grevê vêşanîye roja 38. de dewam keno.

Kantonê Kobanê de zî rayberîya Dezgehê Keyeyanê Şehîdan ê Herêma Firatî de Meydanê Şehîd Agîtî de bi şîarê 'Wext wextê azadîye yo, tecrîdî rê ney, Rayber Apoyî rê azadîye' grevê vêşanîye yê bidorî yê 7 rojan dîya destpêkerdene.

Koma yewîne ya grevê vêşanîye Kongreya Starî ra ya.

Grevê vêşanîye pê deqayêkê rêzgirewtişî dest pêkerd. Endamê Meclîsê Dezgehê Keyeyanê Şehîdan Arîf Balîyî û Koordînasyonê Kongreya Starî ra zî Rewşene Hacîm meydan de qisey kerd.

Rewşene Hacîm pare kerd ke tecrîdê Îmraliyî hema zî dewam keno û vat: ''Dewleta tirke pê tecrîd û binpaykerdişanê heqanê merdiman wazena kurdan qir bikera. Rixmê xîretanê aye zî felsefeya Rayber Apoyî pêro dinya ra vila bîya. Şexsê Leyla Guven de û pê hêrişanê vera Şingal û Rojawanî dewleta tirke xîret kena ke îradeyê kurdan bişikna. La ê do pê ma nêeşkê.''

Siba zî Yewîya Ciwanan ê Şorişgêran, Herêma Qinê, Îdareyê Herêma Firatî, Îdareyê Kantonê Eyn Îsayî û Girê Sipî do çalakîye dewr bigêrê.