Têgêrayîşê Cinîyan ê Azadan (TJA) Amed de bi tewrbîyayîşê 700 delegeyan bi sloganê ''Ma cinî yê seba azadîya xo estê. Ma seba vurnayîşî payra yê'' konferansê xo keno. Konferans roja xo ya diyîne de dewam keno.

Endamê rêxistinanê cinîyan ê Îngilîstanî, rêxistinê cinî yê Herêma Federale ya Kurdîstanî, dezgehê femînîstî, hemsereka Partîya Demokratîke ya Şaran (HDP) Pervîne Buldan, hemsereka DBPyî Salîha Aydenîz, hemvervatoxa Kongreya Demokratîke ya Şaran (HDK) Îdîle Ugurlu, temsîlkarê dezgehanê sivîlan, endamê Meclîsê Mayanê Haştîye zaf cinîyî tewrê konferansî bîyî.

Cinîyî bi hawayêkê coşî û kelecanî  bi kincanê xo yê neteweyan tewrê konferansî bîyî. Ewro polîsan eşt salona konferansî û waşt ke dest nê kompîtiranê cinîyan ser. La netîceya îtîrazanê cinîyan de polîsî neçare mendî ke salone terk bikerê. Konferans de ewro zî muneqaşeyê derheqê bihêzkerdişê paştdayîşê cinîyan de do dewam bikerê. Konferanso ke çapemenîye ra girewte yo dewam keno.