Kongreya  Cinîyan ê Ciwanan a Ewropa bi tewrbîyayîşê cinîyanê ciwananê ke Almanya, Fransa, Swîsre û xeylêk welatanê bînan ê Eweropa ra ameyî bajarê Darmstadtî yê Almanya de dest pê kerde.

Kongreya ke bi şîarê ''Mexapîye, azadî bi têkoşînî bena'' ameye organîzekerdene, dest pêkerde. Heyata kongreyî de fotografê cinîyan ê şehîdan ê têgrayîşê azadîye ameyî daliqanayene. Bi nameyê TJK-E Havîne Guneşer û bi nameyê Kampanyaya Gemeinsam Kämpfen (Ma pîya têkoşîn bikerê) Têgêrayîşê Femînîstî yê Almanî ra Caro qiseykerdişê selamkerdişî kerd. Badê vîjnayîşê dîwanî kongre dewam kerde. Cinîyî do vera modernîteyê kapîtalîstî perspektîf, taktîk û projeyanê neweyan ser o muneqeşe bikerê.