Koordînasyonê PAJKî eşkerayîyêke weşanaye û vat, ‘‘Tarîxê ma yê azadî bi berdel û qehremanîyanê xeylî girdan yeno mûnitene. Cinîyê şorişger-mîlîtanî ke biqerar û bi amancê bedilnayîşê sîstem, komel û cuye kewtê rayîr, seba azadî û ameyoxê şarê xo ver bi şehadetîye şinê.’’

Dewamê eşkerayîye wina ya; ‘‘Hemraya ma Raperîne serra 1992î ra dima bîye mîlîtanêka Apoyî û bîye sey nimûneya têkoşînê azadî yê Kurdîstanî. Welatperwerî û hişmendîya xo ya kurdîtîye keyeyê xo ra girewtbî. Amed de dest bi gerîlatîye kerde û serra 1996î de vîyarte warê Rayberîye. Wexto ke vîyarena warê Raybertîye hişmendî û rêxistinîya xo ya îdeolojîke hîna zaf raver bena. Rayber Apo seba taybetîyanê aye yê rayberdişî, seba ke Hemraye Raperîne rojêke biba kadroyê rayberîye aye reyde meşxûl beno. Hemraye Raperîne her tim sey sozo ke daybî Rayber Apoyî ciwîyaye. Wezîfe û berpirsyarîyanê xo ra qet apey nêmend. Bi şexsîyetê xo yê zerrîzîz û kedkarî cewherê nasnameyê Apoyî temsîl kerdêne. Embaze Raperîne wayîrê ruhêkê azadî bîye.

Sey Endama Dîwanê Serekîye yê KONGRA ŞARî bi serran awanbîyayîşê sîstemê konfederal demokratîkî rê rayberîye kerde. Seba ke komel azad bibo û bibo wayîrê sîstemêkê demokratîkî zaf kede daye. Heta ke şehîd bîye zî her tim seba ke kar û wezîfeyê xo bîyara bi ca, karê xo ser o bîye. Serra 2022î de hêrîşê dewleta tirke ya faşîste de şehîde bîye. Partîya ma ya Azadîya Cinîyan PAJK do qetîye Hemraye Raperîne xo vîr ra nêkera. Hemraya ma Raperîn do seba ma biba sebep ke ma têkoşînê xo xurt bikerê û dişmenî ra hesab bipersê."