Komîteya Patîdayîşê Keyeyanê Şehîdan a PKKyî bi eşkerayîyêka nuştekîye da eşnawitene ke serkêşanê Têgêrayîşê Azadîye yê Cinîyan ra  Raperîne Amed şehîde bîya.

Eşkerayîya komîte de nê ameyî vatene:

''Hemraya ma Raperîne Amed a ke serkêşa Têgêrayîşê Azadîye yê  Cinîyan ê Kurdîstanî ra ya, qezaya Farqînî ya Amedî yo ke kelaya xoverdayîşî yo de 1969 de keyeyêkê welatperwerî de yena dinya. Serra 1977î de pîya bi keyeyê xo bar kena şina Anqara. Tîya mekteb wanena û bitaybetî seba ke nameyê ci Delal a nêzdîbîyayîşê vera kurdan vînena. Badê lîse rixmê waştişê keyeyê ci mektebanê tirkan de wendiş red kena û agêrena Amed. Tîya Têgêrayîşê Azadîye yê Kurdîstanî nêzdî ra nas kena û 1992 de tewrê sefanê PKKyî bena. Gerîlatîya xo ya verêne Eyaletê Amedî de kena. Dima ra Herêmanê Pawitişî yê Medya de gerîlatîye kena. Çar parçeyanê  Kurdîstanî û warê Ewropa de zî aktîf tewrê xebatan bena.

Embaza Raperîna ke 1996 de ravîyarena Warê Rayberîye  têkoşînê PKKyî bi vatişê xo 'wayîrê PKKyî' ra musena. Embaze Raperîna ke mabênê serranê 1996-1998î de Warê Rayberîye de manena bi perwerdeyê ke Rayberîye ra gena, xo hetê zanayîş û nasnameyê cinîyan ra aver bena. Embaze Raperîne mabênê serranê 2000-2005î Ewropa de xebatan rayra bena û rolê xo yê serkêş û mîlîtan ê xeta PKKyî kay kena. 2005 de agêrena koyan ke mekanê azadîye yê. Bado ke dewreyêk perwerde vînena tewrê xebatanê Komîteya Sîyasî û Zanayîş Roşnbîyayîşî bena. Mabênê serranê 2006-2007î de warê Rojhelatî de tewrê xebtan bena.  2008 de xebetanê cinîyan ê PÇDKyî de serrêke manena.

2011 de Dîwanê Serekîye yê Kongra-Gelî rê yena vîjnayene. Rojawan ra heta Şingalî semedê înşayê paradîgmaya netewa demokratîke zaf kede dana. Embaze Raperîne nêzdî ra eleqedarê êzidîyan bena. Kulturê xoverdayîşî yo ke bi felsefeya Apoyî Şingal de newe ra ganî beno, nê sey gamêka girde ya xelsinayîşê kurdîtîye gena dest. Çar parçeyanê Kurdîstanî û her cayo ke kurdî tede ciwîyene de, her cayo ke şina ci pê kede û têkoşînê xo sey serkêşêke rêçê xo verdena. Bi kesayêtê xo yê raşt û mutewazî û tewirê xo yê zixm û rêxistinkî nasnameyê xo yê PKK û PAJKî temsîl kena. A mîlatana raşte bî ke rixmê heme kanperestîye xo newe ra aferna.

Hemraya ma Raperîna ke pêroyê emirê xo de xeta Rayber Apoyî de bêhesab têkoşîn kerd, 17ê hezîrana 2022yî de Herêmanê Pawitişî yê Medya de netîceya hêrişê hewayî yê dewleta tirke de tewrê kerwanê bêmergan bena. Ma şexsê embaze Raperîne Amed de heme şehîdanê şorişî bihurmet yad kenê û sere de keyeyê erjîyayeyî yê embaze Raperîne rê heme şarê welatperwerî yê Kurdîstanî rê serweşîye wazenê. Ma sozê xo newe kenê ke ma do dewleta tirka faşîste û hemkaranê ci yê xayînan ra hesab bipersê.''