Almanya de ciwanê kurdî û enternasyonalîstî hewteyêkî ra nata vera Komployê 15ê Sibate çalakîyan kenê. Lola Ginesta ya katalane zî nê ciwanan ra yew a û 24 serre ya. Lola pa 4 embazanê xo tewra çalakîyan bena.

Lola wina sebebê tewrbîyayîş û tewirê xo rê behs kena: ''Ma pê coşî ameyî û tewrê çalakîyan bîyî. Tîya de merdimî pîya yê û ma vînenê ke tîya de têkoşîn dewam keno. Her ca de merdimî yenê verê ma û tewrê ma benê. Bi taybetî pê meymandarîya keyeyan ê kurdan keyfê mi yeno. Mi wextê Xoverdayîşê Kobanê de têkoşînê kurdan şinasna. Ez Têgêrayîşê Azadîye yê Kurdan ra hêz gêna. Ganî şoriş rayberîya cinîyan de bêro kerdene. Ewropa de babeta rayberîya cinîyan de meseleyî estê. La kurdan na babete de xo raşt rêxistin kerd. Mi newe Jineolojî şinasna û no zanist zaf balê mi anceno. Merdimê ke têkoşîn û şer kenê mojnenê ma ke têkoşîn mumkîn o.Ma eşkenê nînan ra bimusê. Eke ma pîya têkoşîn bikerê ma do ser bikewê.''