Çarçewa Hemleya TJK-E de ke bi nameyê '100 sebebê seba hukmkerdişê dîktatorî'  dîyabi destpêkerdene, cinîyan London de çalakîyêke kerde. 

Eşkerayîye de ame parekerdene ke ê do çarçewa kampanya de bi hezaran îmza arê bidê û ame vatene ke cinîyî her cayê dinya de xo ver danê.

Cinîyan da zanayene ke kampanya do heta 8ê Adare dewam bikera û ê do her roje hîkayeyanê cinîyanê ke ameyî qetilkerdene pare bikerê. 

Peynîya eşkerayîye de cinîyan venga her kesî da ke 25ê teşrîna peyêne de Woodgreen saet 13:30 de tewrê panelê înan û saete 19:00 de zî tewrê çalakîyanê înan bibê.

Cinîyî do 24ê teşrîna peyêne de saete 19:00 de reyna bi beşdarîya Besîme Konca panelêk bikerê û 21-22-23ê teşrîna peyêne de zî çalakîya pankartan bikerê.