7ê tabaxa 2019î ra nata Rayberê Şarê Kurdî Abdullah Ocalanî ra xeberêke nêna girewtene, muracatê avûkatan û keyeyî yenê astengkerdene. Gerîlayanê YJA-Starî tecrîdê Ocalanî ercna.

Gerîlaya YJA Starî Zîlane Devrîm vat: ''Ma do heta peynîya hêzê xotêkoşîn bikerê û serra 2020î de serekê xo azad bikerê. Dişmenî bi rayîrê tecrîdî wazenî bimusnê ma ke ke bê serek cuye bena labelê ma do qet cuyêka bêserek qebul nêkerê. Wa dişmenî baş bizanê ma do heta peynîye seba azadîya Rayberê xo co ver bidê û vajê 'Biciwîyo Serek Apo û Biciwîyo Kurd û Kurdîstan.' ''

Gerîla Sorxwîne Amed vat: ''Ma do qet rayîr nêdê îşxalkeran. Eke cuyêka azad estba do bi Serek Apo estba. Ma do serra 2020î bikerê serra azadîya Rayber Apoyî. Cengê Heftanînî de her çalakîya ma awil seba Serek Apoyî yê.''

Gerîla Evîne Dilvîn vat: ''Bi rayîrê tecrîdê Rayber Apoyî wazenê îradeyê şarê kurdî bişiknê. La ma do heta peynî vera tecrîdî têkoşîn bikerê. Ganî dişmenî baş bizanê seba şiknayîşê tecrîdî şarê kurd û gerîlayê azadîye zî xoverdayîşê xo pîlêr kenê.''