Meclîsê Cinîyan ê HDP û HDKyî yê Anqara seba Hemsereka KCDyî Leyla Guvena ke ci rê cezaya zîndanî ya 22 serran û 3 mengan dîyaye bînaya HDPyî de kombîyayîşê çapemenîye kerd. Meclîsê Cinîyan ê Anqara, Meclîsê Cinîyan ê Averşîyayeyî û Meclîsê Cinîyan ê Demoratan ê Neweyan zî tewrê kombîyayîşî bîyî.

Hemserekê HDPyî yê Anqara Pakîze Sînemîllîoglu vat: ''Bi tepişîyayîşê Leyla Guven ame waştene ke îradeyê cinîyan ê kurdan bêro teslîmgirewtene. Leyla Guven pêro emrê xo da têkoşînê kurd û cinîyan. Nê welatî ra zaf îqtîdarî derbaz bîyî la ma tim tîya de bîyî. Heta ke tecrîd biqedo têkoşînê ma do dewam bikero.''

Endama Cinîyan ê Demoratan ê Neweyan Denîze Akbiyik û Endama Meclîsê Cinîyan ê Averşîyayeyî Sude Sîvrî zî ard ziwan ke ê do teber de seba Leyla Guven xoverdayîşê xo pîl bikerê.

Cinîyan dima Leyla Guven rê seba serra newîye kartê paştdayîşî erşawitî.