Şaristanê Marsilya yê Fransa de 26ê êlule de cinîye S.A. hetê camêrdo ke tede zewijnaye bîye ra raştê hêrişî amebî. S.A. nêweşxaneyê Timonî de ya û rewşa ci hema zî giran a. Meclîsê Cinîyan ê Arîne Mîrkan ê Marsilya verê nêweşxaneyî de vera şîdetê serê cinîyan çalakîye kerde.

Çalakîye de pankartê sey "Tundiya li ser jinan rawestînin", "Jin, jiyan, azadî" ameyî akerdene. Eşkerayîya bi kurdkî, fransizkî û tirkî de ame waştene ke serebûtanê şîdetê vera cinîyan de wa cezayê giranî bêrê dayene. Cinîyan çalakîye de vat: ''Ma do felsefeya 'Jin, Jiyan, Azadî' her ca ra vila bikerê û şîdetê serê cinîyan vindarnê.''

Eşkerayîye bi sloganan qedîyaye.