Meclîsê Mayanê Haştîye yê Îzmîrî vera polîtîkayanê şerî yê PDKyî bînaya HDPyî ya Konakî de kombîyayîşêkê çapemenîye kerd.

Îdarekaranê cinîyan ê HDPyî zî paştî daye kombîyayîşî. Mayan bi kurmanckî eşkerayîye xo daye. Eşkerayîye hetê Peyruze Kurt ra ameye wendene.

Peyruze Kurdt pare kerd ke Mayê Haştîye şer nêwazenê û wina venga Serekê PDKyî Mesûd Barzanîyî da: ''Roje roja yewî ya. Ma vînenê ke o cayê xo û ê birayê xo keno teng. Ne wayîrê xo ne zî wayîrê birayê xo vejîyeno. Ma ey sey pîlê xo qebul kenê. Wa o zî wayîrê way û birayanê xo vejîyo. Wa erdê xo nêdo kesî. Wa gonîya birayê xo merijno. Ma seba haştîye destê xo kenê derg. Wa o zî destê xo bido way û birayanê xo.''

Eşkerayîye ra dima Mayanê Haştîye seba haştîye laçikê xo yê sipîyî eştî war.