Înîsîyatîfê Mayanê Haştîye yê Îstanbulî hêrişê îşxalî yê dewleta tirke û hemkarîya hukmatê Başûrî şermezar kerdî.

Mayanê ke şubeyê Fatihî de eşkerayîye daye vera Serekê Pêroyî yê PDKyî Mesut Barzanîyî hersê xo ard ziwan ke û destûrê hêrişan dano.

Emîne Unal vat: ''Çi gureyê leşkeranê tirkî a herre de esto? Barzanî ganî nayî ra bişermo. Wa zerrîya mayan mevêşno. Qicê ma wa memirê. Ma semedê qicanê xo tîya yê. Eke hewce bikero ma semedê qicanê xo ganê xo feda kenê. Ganî Bazanî hinî hemkarê nê şerî mebo.''

Havva Kiran zî vat: ''Ma nêwezanê wa hinî gonîya wayûbirayî birişîyo.  Pê çekanê NATOyî hêrişê herra ma kenê û qicanê qetil kenê.  Çew goş nêdanê ma ser. Ganî Mesut Barzanî nê kerdişan qebul nêkero. Ganî semedê yewîya neteweyîye seferberîye bêro îlankerdene.''

Bedîa Gokkoz ard ziwan ke Barzanî hemkarê hêrişano û vat:  ''Leşkerê tirkî herra kurdan bombarduman kenê û gazanê kîmyewîyan şuxulenê ti nêvînenî? Na gonîya ke ha rişîyena ya kurdan nîya? Barzanî ganî hivî vengê mayan bieşnawo.  Ma tîya ra rena venga Barzanî danê; meverd wa gonî birişîyo. Cewab bidê vengdayîşanê ke semedê Konraya Neteweyîye ya Kurdan yenê kerdene.''