Hemsereka DEM Partî ya Îstanbulî Gonca Yangoz Îstanbul de wexto ke eşkerayîye dayêne çapemenîye polîsan herişê girsey û aye kerd. Meclîsê Cinîyan ê DEM Partî derheqê babete de eşkerayîye daye.

Meclîsê Cinîyan eşkerayîya xo de wina vat: ''Hemsereka ma ya Îstanbulî Gonca Yangoz qestî ra hetê hêzanê dewlete ra ameyê dirnayenen û bedenê ci ameyo teşhîrkerdene. Bi nê serebûtî ancî eqlê serdestîya camêrdan û xîretê serdestîye yê camêrdanê vera bedenê cinîyan eşkera bîyî. No hêriş şexsê embazê ma Gonca de vera pêro cinîyan ame kerdene.

No ferasetê hêzanê dewlete bingeyê xo ferasetê dişmenîya cinîyan ê îqtîdarî ra  gêno. Bingeyê zêdîyayîşê tacîz û şîdetê polîsan ê vera cinîyan de meşrûkerdişê polîtîkayanê dewlete est o. Îqtîdar û dewlet ê ke sûcanê vera  cinîyan bêceza  verdenê wa bizanê ke cinîyî do verê îşkenceyan de bêveng nêmanê û nê hêrişan tesdîq nêkerê.

Têkoşînê cinîyan sîstemo ke şima tira  hêz gênê û faşîzmo ke şima xîret kenê awan bikero do birijnê! Ma do îşkenceker û tacîzkeran ra hesab bipersê.''