Vervatoxa Meclîsê Cinîyan ê DEM Partî Halîde Turkoglu bînaya partîye ya merkezîye de bi kombîyayîşêkê çapemenîye rojdem ercna.

Qiseykerdişê Halîde Turkoglu ra tay noqtayê girîngî wina yê:

''Cinîyî pêro tarîxî de ameyî qetilkerdene. Vizêr zî Kerkûk de aktîvîste Firyale Silêman Xalid ameye qetilkerdene. No cînayetêko sîyasî yo û ma hêzê peyê nê cînayetî hol zanenê.

Zîndanan de grevê vêşanîye û teber de Nobetê Edaletî dewam kenê. Ma hetê peynî hetê tepişteyan de yê û waştişê înan waştişê ma yê.

Nê welatî de kiştoxî, dizdî, sûcdarî û qeçaxçîyî nêrê muhakemekerdene la cinîyî yenê muhakemekerdene. Nê operasyonî mojnenê ke îqtîdar cinîyan ra çend tersenê. Mehkemeya camêrdan bi ziwanê xo yê nêrîyî cinîyan sûcdar kenê. Ganî nê bêhuqûqîyî cade biqedê. Waştişê wedaritişê tecrîdî sûc nîyo. 

Wextê îqtîdarê AKPyî de qetilkerdişê cinîyan se ra 400 zêdîyayo. Îqtîdaro ke Qanûnê Bingeyî yê Neweyî ser o nîqaşan keno nîyet keno ke camêrdan bipawo û cinîyan bi temamî muhtacê camêrdan bikero. La ma do heqanê xo însafê camêrdan ra nêverdê.

Ma bi verweçînayîşan nê welatî de çîyo newe kerd. Delegeyanê ma yê cinîyan û dadîyanê ma zî bi beşdarîya xo îradeyê xo mojna. No têkoşîn têkoşînê qerardarîya şîarê 'Hemserekîye û temsîlîya têdûşte xeta ma ya mor a' yo.''