Meclîsê Cinîyan ê HDP'yî  vist vîrî ke AKP wexto ke bîyo îqtîdar ra nata tim têkoşînê azadîye yê cinîyan xo rê kerd hedef û bale ante serê îşxalkarîya Tirkî ya Rojawanî û va: "Bi şero ke teber de keno çim erzeno cuya newîya ke cinîyan bi kedêka pîle saz kerde, û zere de zî hêrişê keno serê cinîyan ê xoverdayoxan."

Meclîsî bale ante serê operasyonanê qirkerdişê sîyasî yê serê cinîyan, vist vîrî ke şewa bîne Endama Merkezê Heyetê Rayberdişî yê Meclîsê Cinîyan ê Sosyalîstan (SKM) Safîye Oke û endamê Fedarasyonê Komeleyanê Ciwanan ê Sosyalîstan (SGDF) Helîn Yagmur Ucî, bi îşkenceyan ameyî destbendkerdene û ê pê tecawuzî ameyî tehdîtkerdene.

Meclîsî vat ke Gamze Taşçi û Nûpelda Çelîkê Devrîmcî Partî Stenbol de ameyî destbendkerdene û bi hewayêkê rutî  serê înan ame cigêrayene. Meclîsê Cinîyan ê HDP'yî vat polîtîkayê destbendkerdişî û tepiştişî do nêeşkê vengê înan bibirnê. Meclîsê Cinîyan ê HDP'yî peyên de wina veng da îqtîdarê AKP-MHP'yî: "Bi îşkence û tecawuzî şima do nêeşkê têkoşînê azadîye yê cinîyan asteng bikê. Her ke şima hêriş kenê, mo do hêzê xo yewbînan ra bigêrê û rayîrê xo ra dewam bikê.