Meclîsê Cinîyan ê HDP’yî 8’ê Adare Roja Cinîyan ê Kedkaran ê Dînyaye yê emserî bi sloganê “Seba ke ma biciwîyê û bidê ciwîyayîş, seba heq û cuya xo, ma do 8’ê Adare de meydanan de bê” organize keno. Bajaranê Tirkîya û Kurdîstanî de çalakîyî do 1’ê Adare de dest pêbikerê û yew hewte dewam bikerê.

MÎTÎNG, PANEL, RAYÎRŞÎYAYÎŞ, ZÎYARET Û ERŞAWITIŞÊ KARTAN

Meclîsê Cinîyan, çarçewaya çalakîyanê 8’ê Adare de, bajaranê Tirkîya û Kurdîstanî de mîtîng, panel, rayîrşîyayîşan, zîyaretê taxan, kombîyayîşê cinîyan û seba girewteyan erşawitişê kartan do organize bikero.

CINÎYÎ DO WAYÎRÊ XOVERDAYÎŞÊ GREVANÊ VÊŞANÎYE BIVEJÎYÊ

Meclîsê Cinîyan do bi çalakîyanê 8’ê Adare bale bianco xoverdayîşê grevê vêşanîye ser û seba ke tecrîd bêro wedaritene tê bigêro.

Hemvatoxa Meclîsê Cinîyan ê HDP’yî Dîlan Dîrayet Taşdemîre va, ”Serranê verî ra dot, emser ma do xoverdayîşê grevanê vêşanîye û mücadeleyê talebanê înan bikerê berz. Ma do vera tedayê camerdî û dewlete yê ke beden û keda cinîyan rê bena de vinderê û meydanan de vengê xo bikerê berz. Pêroyê çalakîyê ma do bi nê perspektîfî bêrê viraştene.”

Taşdemîre venga cinîyan da û waşt ke wa beşdarê çalakîyanê 8’ê Adare bibê û wîna dewam kerd: ”Ma wazenê ke cinîyî bivejîye meydanan û hem xo, hem komelî, hem zî herêmanê xo bipawê.”