Meclîsê Cinîyan ê  Partîya Şaran a Demokratîke (HDP) yê Dêrsimî derheqê 25'ê Teşrîna Peyêne Roja Têkoşînê Vera Şîdetê Serê Cinîyan  de eşkerayîya nuştekîye daye.

Hemsereka HDP'yî ya Dêrsimî Ozlem Topraka ke tewrê eşkerayîye bîye û eşkerayîye wende,  bale ante ke serewedaritişê verba şîdetê camêrdan beno pîl. Toprake vat: "Sey Meclîsê Cinîyan ê HDP'yî 25'ê Teşrîna Peyêne  ma dibistanan de, meydanan de, keye de her wareyê cuye de do têkişt bibê. Îrade, beden û keda cinîye bi cîyakerdiş ameyî dormegirewtene. 25'ê Teşrîna Peyêne seba ke îradeyê ma û kedê ma bêrê verê çiman ma rêxistinanê cinîyan û femîstan reyde verba qetilkerdişê cinîyan, seba qedînayîşê polîtîkayanê îşxal û şerî yê ke şîdetê verba cinîyan zêdêr kenê, verba sîyasetê qeyûmî yo ke îradeyê cinîyan çin keno, verba feqirîye, seba caardişê qanûnanê ke sey Peymana Stanbulî, Qanûnê 6284 cinîyan pawenê, verba xespkerdişê heqanê ma yê nafaka ma do meydanan de bibê."