Meclîsê Cinîyan ê Partîya Demokratîke ya Şaran (HDP) yê Amedî bi wesîleya Hewteyê Heqanê Merdiman  verê banê Yenîşehîrî de eşkerayîyêk daye. Cinîyan ê HDPyî da zanayene ke  11 aşman de 350 cinîyî ameyî qetilkerdene û vat hetê heqanê merdiman ra krîzêko gird esto.

Parlamentera HDPyî ya Amedî Remzîye Tosûn û Hemsereka Partîye ya Bajarî Hulya Alokmen û xeylêk cinîyî tewrê eşkerayîye bîyî. Polîsan dormeyê cinîyan girewt. Eşkerayîya ke kurdkîya ci hetê Alokmen ra tirkîya ci zî hetê Tosûne ra ameye wendene de ca dîya nînan: ‘‘Tirkîya de hetê heqanê merdiman ra krîzêk esto. Heqê cuya yeno xespkerdene.Tewr zaf zî heqê cinîyan û domanan yenê binpaykerdene. 11 aşmanê 2019î de Tirkîya de tewr tay 350 cinîyî hetê camêrdan  ra ameyî qetilkerdene. Reyna tewr tay 46 cinîyî raştê tecawuzî, 204 cinîyî raştê tacîzî û 556 cinînî raştê şîdetî ameyî. Xora ma zanê ke hûmara raşt nê donayen ra berzêr a. Ma reyna vanê merdim bi heqanê xo merdim o. Têkoşînê ma do bêmabên dewam bikero.‘‘