Meclîsê Cinîyan ê HDPyî derheqê tedayanê zîndanan de eşkerayîyêke daye.

Eşkerayîye de wina ame vatene: ''Perey Zîndanê Kandira de gardîyanan eşt koxûşê Fîgene Yuksekdag, Sebahate Tuncel, Gultane Kişanak, Çaglare Demîrel, Edîbe Şahîn, Aysele Tugluk, Nurhayate Altun, Gulsere Yildirim ser û bahaneya sereştişî zî grevê vêşanîye bi. Sereştiş de dest nîya not, kitab, şîîr û xebetanê edebîyatî yê embazanê ma ser. Nê prosesî de ke vîrusê Korona zîndanan de vila beno îşkence û teda dewam kenê. Nê kerdişê îqtîdarî do fayde nêkerê.

Ma reyna vanê ke ne zîndan de ne zî teber de ê do qet sereyê xo vera zulmî nêarê war. Şima çend hêriş zî bikerê ma do hende xurtêr bibê û paştdayîşê xo pîl bikerê.''