Meclîsê Cinîyan ê DEM Partî: Ferasetêko ke krîteranê partîya ma red keno û sozanê xo nêano ca tede ne şarê ma ne zî cinîyan rayîrî gênê. Ma senî ke rayîr nêda qeyûman do rayîr nêdê ferasetê serdestîya camêrdan.
Meclîsê Cinîyan ê DEM Partî eşkerayîyêka nuştekîye daye. Eşkerayîye wina ya:
''Qezayanê Bîrecîk û Taşliçayî û bajarekê Îkîkopruyî de partîya ma weçînayîşanê 31ê adare de ser kewtbî la ê kesanê ke nê cayan de ameyê weçînayene seba menfaetanê xo û vera keda cinîyan îstîfa kerd. Nê îstîfayî vera paradîgmaya ma ya azadîgîra cinîyan, demokratîke û têdûşte hêriş ê.
Hêrişê vera hemserekîye û temsîlîya têdûşte xîretê serdestîya camêrdan ê. Ferasetê serdestîya camêrdan keno ke pêro selahîyetdaran destê xo de pêser bikero. Ma do tim bikerê ke hemserekîye aver berê, îradeyê cinîyan xurtêr bikerê û vila bikerê. Ma do hêrişanê winayênan zî têkoşînê xo rê dewam bikerê.
Ferasetêko ke krîteranê partîya ma red keno û sozanê xo nêano ca tede ne şarê ma ne zî cinîyan rayîrî gênê. Ma senî ke rayîr nêda qeyûman do rayîr nêdê ferasetê serdestîya camêrdan.''
