Wexto ke dewêka qezaya Kercewsî ya Êlihî de domanêka 15 serre şîye nêweşxane eşkera bi ci rê tecawuz ame kerdene û coka ke digan a. 

Domane gerre kerd û heman dewe ra M.A. û V.A. ameyî tepiştene. Goreyê xebera Jinnews 5ê kanûne de polîs, çawişê pisporî û qoricîyî zî tede 27 kesî tewrê tecawuzî bîyî la têna derheqê 15 kesan de tehqîqat dîya destpêkerdene.

Goreyê heman xebera Jinnews domana 15 serre ra ber 2 cinîyanê bînan rê zî tecawuz ame kerdene.

Torranê medyaya dîjîtale de bi tagê ‘#GercüşteNeOluyor’ kampanyayêke dîyaye destpêkerdene. Xeylêk merdiman, wekîl û îdarekaranê HDPyî vera serebûtî medyaya dîjîtale de nêrazîbîyayîşê xo mojna.