Ambargoyê serê Kampa Şehîd Rûstem Cûdî (Mexmûr) a Multecîyan kewto roja 56‘îne, selahîyetdarî heta nika seba wedartişê ambargoyî gamêke nêeşte.

Dadîyê Haştîye 1‘ê Êlule ra nata verba ambargoyê ke cuya rojane kena hîna zor û nêverdeno merdimî hewcedarîyanê mûhîman sey weşîye hal bikê çalakîya roniştişî de yê. Çalakîye cayê kontrolî yê asayîşê PDK‘yî de yena viraştene. Dadîyê Haştîye ke çend rojan ra nata cayê kontrolî de vindenê zaf reyî pêşmergeyan heqerat û hêrişê înan kerdo. Her çiqas destûr nêro dayene çew zîyaretê dadîyan biko zî ê binê germîya pîte de çalakîya xo rê dewam kenî. Qewetê asayîşî nêverdanê çew nêzdîya hetê dadîyan şêro. Roja desîn a çalakîye de dadîyan ra Şerbet Salîhe nêweş kewta û ameya berdene bi nêweşxane. Tedawîya Şerbet Salîhe dewam kena.