Bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan a Mîyanneteweyîye de Kampa Multecîyan a Şehîd Rustemî ya Mexmûrî de rayraşîyîşêk ame kerdene.

Rayraşîyayîş verê Dezgehê Keyeyanê Şehîdan de dest pêkerd heta Merkezê Kulrtur Hunerî yê Mexmûrî dewam kerd. Cinîyan pê pankart û sloganan vera bale ante şîdet û zextê vera cinîyan semedê azadîye qîrayî.

Badê rayraşîyayşî Hemsereka Komîteya Perwerdeyî Bêrîvane Kaya bi nameyê cinîyan eşkerayîye daye. Kaya bale ante tarîxê xoverdayîşê cinîyan ser û vat: ''Xoverdayîşê cinîyan o ke semedê azadîye yeno kerdene bimbarek o.  Serkêşîya cinîyan ê kurdan de têkoşînêko xurt yeno dayene. Xoverdayîşo ke cinîyan Rojawan, Şingal û Mexmûrî de vera çeteyanê DAÎŞî û îşxalkeran da heme dinya de cinîyan rê bi nimûne û hêvî. Semedê naye bi seyan cinîyî şehîd bîyî. Coka ma vanê ke ça de beno wa bibo vera zîhnîyetê serdestî ma wayîrê cinîyan ê xoverdayoxan vejîyê.  Bi na hêvî û bawerî ma têkoşînê xo yê azadîye, xoverdayîşê xo yê heqdarî bi serkewtişî tacîdar bikerê.''