Meclîsê Cinîyan ê Zenubiya da pêhesnayene ke hêrişê çeteyanê dewleta tirke yê vera Minbicî de endamê ci Kamare El-Soud, Ayşe Abdulkadir û İmane şehîd bîyî.

Eşkerayîye de nê ameyî vatene: ''Şehadetê hemrayanê ma peynîya têkoşînî nîya, eksê ci de ma do têkoşînê xo yê azadîye û xoserîye xurtêr bikerê. Kamere, Ayşe û Îmane vera hêzanê tarîyan û dimenî şero gird kerd, semedê pawitişê Minbicî fedakarîya pîle kerde.''

Eşkerayîye de veng dîya komelê mîyanneteweyîyî ke wa şiro Tirkîya ser ke hêrişê vera Minbicî bêrê vindarnayene û sîvîlê sûcê şerî ra bêrê xelisnayene.