Çalakîyê paştdayîşê grevê vêşanîye Ewropa de dewam kenê. Vizêr bajaranê Munîh û Munsterî yê Almanya de Kurdîstanijî reyna kuçeyan de bî.

Munster de rayberîya Meclîsê Cinîyan ê Şîlane de çalakîyêk ameye viraştene. Çalakwanan derheqê tecrîdê Serê Rayberê Şarê Kurdî Abduah Ocalanî û grevê vêşanîye yê ke rayberîya Leyla Guvene de ameyî despêkerdene de zanayîş da û bêvengîya welatanê Ewropa protesto kerde.

Munîh de zî Komunê Cinîyan ê Sara sey her roja Çarşemeyî  vizêr zî çalakîyêk organîze kerde. Cinîyan  stand akerd derheqê grevê vêşanîye yê vera tecrîdî de vilawekî vila kerdî û veng bi hukmat, sazî û rayapêroyî yê Ewropa kerd wa bêveng memanê.