Meclîsê Cinîyan ê Zîne ê Rennesî, Meclîsê Şarî yê Amara û Komeleya Dostîye ya Kurd û Brotonî par seba ke nameyê cinîya kurd a şorişgêre Fîdane Dogan a ke Paris de ameye qetilkerdene, bidîyo yew kuçe û ya zî meydanî murcat kerd bi.

Şaredarîya Renesî semedê na babete kombi. Endamê Meclîsî ke tîya qisey kerd wina vat: ''Paris de hîrê serî verî hîrê cinîyê kurdî ameyî qetilkerdene. Înan ra yew zî Fîdane Dogan a. Dogane aktîvîstêka erjîyayebî ke dewaya kurdan  û têkoşînê cinîyan de yena naskerdene. Semedê selahîyetdaranê Fransa û Ewropa zî sey temsîkara komel û cinîyan ê kurdan ameyêne qebulkerdene. Şaredarîye ma reyde zî xebatî kerdî. Kurdîstanijanê ke Rennes de yê û bajarê ma ser tesîro gird afirna. Fîdane Dogan cinîya kurde, mîlîtan, femînîst û xoverdayoxe bî ke têna semedê kurdan nê heme cinîyan ê dinya rê bîye nimûne.''

Badê qiseykerdişî vîjnayîş  hewce nêkerd, qerar ame girewtene ke do nameyê Şehîde Fîdan Dogan bidîyo meydanêk û tabloyêkê  qala cuye û têkoşînê aye kenê zî tîya bêrê daliqnayene.