Namzedê cinîyî yê Partîya Çep a Keske Anqara de dîyayî naskerdene.Hemsereka Pêroyî ya Partîya Çep a Keske Çîgdeme Kiliçgun Uçar, Hemereka Pêroyî ya HDPyî Pervîne Buldan, Vervatoxa HDKyî Esengul Demîr, hemserek, vervatox û serekê  partîyanê pabesteyan û yê Îtîfaqaê Kede û Azadye û xeylêk wekîlî û cinîyî tewrê kombîyayîşî bîyî.

Aktîvîte de derheqê têkoşînê sîyasîyî yê cinîyan de sînevîzyon ame seyrkerene û dima ra mesajê sîyasetmedaranê cinîyan Leyla Guven, Gulten Kişanak, Sebahat Tuncelû Fîgen Yuksekdag ameyî wendene.

Çîgdeme Kiliçgun Uçar vat: "Ma rê mîrasêko gird yê têkoşînî mendo. Ma  sey cinîyan ê Partîya Çep a Keske tiya ra soz danê ke ma do nê têkoşînî xurtêr bikerê û biresnê serkewtişî.  Ma do pêro pîya sîtemê yewmerdimî bibedilnê û tira hesab bipersê. Slogana ma bewlî ya; dîsa jin dîsa jiyan!  Seba ke ma cuyeyêka newî înşa bikerê ma kewtî rayîr. Jin jiyan azadî!"

Pervîne Buldan zî vat: " Ma ê cinîyê ke pê îradeyê xo yê azadî payan ser vindenê û têkoşînê birutmetî rayra benê. Partîya ma partîya cinîyan a ke  seba ke 14 gulane de êyê ke nê welatî îdare kenê, înan bişawo, têkoşîn û amadeyîya xo kena. Êyê ke ewro 11ê nîsane de semedê dewaya qefilnayîşê HDPyî pawitişê ma yê fekkî pawenê wa  bizanê ke ma tîya ra pawitişê xo kenê. Eke xîleyê AKPyî ma est ê, hemleyê  zî est ê. Ma reyna tîya de yê. "

Badê qiseykerdişan wekîlê dewrê 27ine vejîyayî sehne ser û dima namzedî dîyayî naskerdene.