Hûmara menga teşrîna peyêne ya rojnameyê Newaya Jin bi manşetê 'Cinîyê koyîyî seba xopawitişî veng danê' vejîyaye. Na hûmara 188. de babeta şîdetî, mekanîzmaya têkoşînî ya têgêrayîşê cinîyan ser o yeno vindartene.

Na hûmare de bi meqale û nuşteyanê xo Nazane UStundag, Zîlane Dîyar, Vîldane Dîrîk, Dîlane Bozgan, Bêrîtane Zagros, Rojda Yildiz, Roza Metîna estê.

Hûmare de derheqê kampanyaya 'Ma xo bipawê' ya TJA de Leyla Guven reyde roportajêk esto.

Rojnamegere Laleşe Rênas koyan ra derheqê xoverdayîşê Heftanînî de qisey kerd. Laleşe Renas da zanayene ke gerîlayê YJA-Starî seba xopawitişî veng danê.

Newaya Jin de Endama Koordînasyonê Kongreya Starî Dalya Efrîn proje û xebatanê înan ser o qisey kerd. Reyna rojname de Endama Komunê Sînemaya Rojawanî Sêvînaze Evdikê reyde roportaj ame kerdene.