Rojnameyê Newaya Jin bi hûmara xo ya menga kanûne reyna bi wendoxan ame têhet.

Hûmara newî de bale yena antene serê têkoşînê cinîyan ê serra 2020î ser û manşetê ci de ca dîyeno Kampanyaya '100 sebebê seba hukmkerdişê dîktatorî' ke TJK-E 25 Teşrîna Peyêne de daye destpêkerdene.

Na hûmare de Nilaye Egeli û Gulîstane Çîya Îke derheqê kampanya de nuşt. Dilzar Dîlok serra 2020 hetê cinîyan ra ercna. Sîmtene Coşar derheqê kurtajî de nuşt. Zerya Gul bale ante nasnameyê cinîye yê tarîxkî ser. Rukene Aras  atolyeyê jîneolojî dayî nasdayene.

Kategorîya ekonîmî de zî Çarçel Engîzêk nuşteyêk girewt dest. Derheqê hêrişê vera Komeleya Cinîyan a Roza de sereka komele Adalete Kaya makaleyêk nuşt. Bêrîtane Zagros bale ante polîtkaya PDKyî ser û Roza Metîna zî  heqê merdiman ser vindert. Ruhal Yildiz  derheqê Madûra Urmîye de nuşteyê vîrardişî nuşt.

Derheqê hunerî de hunermend Rumet Bekoyî dir roportajêk ame kerdene. Amara Dorşîn zî dayîkêka almane de qiseykerdişêk kerd. Reyna potre, mesajê komelkî, weşî, zanîst û xeylêk babetê bînî zî na hûmara newî de ca genê.