Newroza Amedî bi tewrbîyayîşê bi se hezaran bi coşê pîlî ameye fîrazkerdene. Şarê kurdî ke bi reng û vengê xo vejîya waran wayîrê Rayber Apoyî vejîya û azadîya ci ya fîzîkîye waşte.

Aktîvîsta TJA Sebahate Tuncel veng da ke wa dewleta tirke berê sîyasetê demokratîkî a bikero û vat, ''Ma wazenê Rayber Apoyî Amed de bivînê.''

Hemserekê Pêroyî yê DEM Partî Tuncer Bakirhanî  zî vat, ''Ma do bi ruhê Newroze, bawerîya Kawayî û cesaretê Mazlûmî rayra şirê. Peynîya nê rayîrî haştîye ya, demokrasî û azadîye ya.''

Hemsereka Pêroyî ya DBP Çigdeme Kiliçgun Uçar zî bi kirmankî dest pê qiseykerdişê xo kerd û azadîya Rayber Apoyî waşte. Uçare  bale ante mesajê şarê kurdî ser û vat tornê Şex Sêîdî çok nêdanê. Şarî kurdî sey adirê Newroze serberz payra yo.