Endama Koordînasyonê KJKyî Hêvîye Nûdem bi wesîleya Roja Cinîyan a Dinya ya 8ê Adare cewab da persanê ANFyî.

Qiseykerdişê Hêvîye Nûdem ra tayê qismê girîngî wina yê:

‘’Dewrê modernîteya kapîtalîzme de partîyanê nîjadperestan faşîzm û şîdet zêdîna. Rojhelatê Mîyanênî de şero tewr germ yeno kerdene. Nê şerî de bedelê tewr giranî hetê cinîyan ra yenê dayene. Sîstemo kapîtalîst seba ke cinîyan bêçare bilero her metodî şuxilneno. Cinîyî vera nînan eşkenê xo rêxistin bikerê, pêro waran de şer bikerê û nasnameyê xo qezenç bikerê. 

Destkewteyê cinîyan ê Rojawanî hetê HTŞyî û serkêşê ci Ahmed Şarayî ra yenê hedefkerdene. A raşte no vera têkoşînê cinîyan hêriş o. Şorişê Cinîyan ê Rojawanî bi bedelanê pîlan ame kerdene. Averberdişê nê şorişî û sîstemê demokratîkî erk û mesuldarîyanê ma yo. Ganî sîstemê konfederalîzmê cinîyan pêro dinya de bêro caardene. Rêxistina HTŞyî selefî ya û rejîmê Baasî ra cîya nîya. Ganî cinîyê Rojawanî têkoşînê hemparî awan bikerê û destkewteyanê xo bipawê. YPJyî heta nika Rojawan de têkoşînêko bêhempa kerd. Xopawitiş seba komelî krîterêko stratejîk o. YPJ nê esasî ser o ganî serkêşîya cinîyan rê dewam bikero. 

Rayber Apoyî bi vengdayîşê xo yê ‘haştîye û komelê demokratîkî’ xerîtaya rayîrî ya nê dewrî eşkera kerde. Sey têgêrayîşê cinîyan ganî ma seba tewrbîyayîşê nê vengdayîşî erkanê xo bîyarê ca. Cinîyan ê kurdan heta nika bedelê giranî dayî la destkewteyê pîlî zî vistî destî. Nê zî xêrê paradîgma û felsefeya azadîya cinîyan a Rayber Apoyî ra qewimîya. Coka azadîya Rayber Apoyî zî esasê ma yo. Seba ke Rayber Apoyî azad bikerê ganî ma pêro hêzê xo seferber bikerê.

Pêro cinîyî bi nê vîr û bawerîye û bi vengdayîşê Rayber Apoyî 8ê Adare pêşwazî kenê. Rayber Apoyî 8ê adara 1998î de Sûrîye de bi îlanê îdeolojîya azadîya cinîyan şayîya tewr pîle dîyarîya ma kerdibî. Seba ke ma têkoşînê Rayber Apoyî yê seba azadîye, rêxistinkerdiş û averberdişê cinîyan rê cewabêkê xurtî bidê ganî ma vengdayîşê ey esas bikerê. Nê esasî ser o ez ancî 8ê Adare pêro cinîyan rê fîraz kena.’’