Qezaya Korganî ya Orduyî de cinîya bi nameyê Makbule Sari 14ê teşrîna peyêne de keyeyê xo de sey kişte ameye dîyene.

Kênaya aye ard ziwan  ke dima ke înan dadîya xo ra xeberêke nêgirewte polîsî şîyî keyeyê ci û dî ke Makbule Sari bi îşkence kişîyaya. Dîya zanayene ke keye ra zerd û pere zî dizîyayî. Otopsîyê Dezgehê Tipê Edlî yê Trabzonî ra dima sebebê mergê Makbule Saro do bêro eşkerakerdene.

Qezaya Silîvrî ya Îstanbulî de zî cinîya bi nameyê Tulaye Sivîl û mêrdeyê xo Mesut Sivîlî verê keyeyê xo de hetê mêrdeyê verênî Erdem D. ra kişîyayî. Erdem D. ame destbendkerdene û îfade ra dima sewqê edlîyeyî ame kerdene.