Koordînasyonê PAJKî bi eşkerayîyêke şehîdî Berçeme Turcel û Kînda Zîn yad kerdî. Eşkerayîye wina ya:

''Embazanê ma Berçeme û Kînda 1993 ra nata bêmabên milîtanîye kerdêne û ê erjê azadîye yê ke têkoşînê cinîyan pîl kerdo.

Embaze Berçeme 1993 de Eyaletê GAPî de dest pê gerîlatîye kerd û uca ra heta Herêmanê Pawitişî yê Medya û Rojawanî şoriş rêxistin kerd. Aye waranê YJA-Starî-HPGyî de bi terzê xo yê fermandarîye şerê azadîye aver berd. Aye tim verê qewimîyayîşanê şorişgêran akerd û şerê azadîye yê vera kolonyalîzmê tirkan Rojawanî de vera DAÎŞî zî lerd. Aye têkoşînê cinîyan rê bi bawerî, perwerî û qerardarî serkêşîye kerde.

Embaze Kînda pê ruhê xo yê zerîfî, waştişê şorişgêrî her warê têkoşînî de temsîlîya bawerî, heskerdiş û yewîye kerde. Aye têkoşînê xo yê 30 serran de her ca de afernayîşê cinîyan kirişt. Embazanê ci tim aye ra hes kerd û aye peyê xo de tim rêçêk verda. Embaze Kînda 13 serrîya xo de şîye Îngilîstanî û 1995 de tewra partîye bîye. Aye her ke sîstemê seksîstî da hesaban ver nasnameyê ci yê milîtanîye zî bi bihêzêr. Komployê Mîyanneteweyî zerrîya aye de zî birînê xedarî akerdî û aye vera ney sondî werdî.

Embaze Berçeme û embaze Kînda pê perwerîya xo ya seba Rayberîye û tewirê xo yê seba têkoşînê azadîya cinîyan her şert de serkêşîya têkoşînê azadîya cinîyan kerde. Nê wird cinîyê Mereş û Mêrdînî bîyî hêvî û bawerîya cinîyan. Ê bîyî sembolê azadîya cinîyan û înan sey fermandaran erjê partîye awan kerdî. Şehadete înan ma rê sondê qesasî yo. Kînê ma vera îqtîdarê AKP-MHPyî yê kanperestî her roje waranê têkoşînî de do bibo pîlêr. Ma verê vîrameyîşê nê embazanê xo yê ercîyayeyan de bi rêzdarî sereyê xo anê war. Ma do vîrameyîşê înan tim bidê ciwîyayene.''