Komîteya Paştdayîşê Keyeyanê Şehîdan a PKKyî eşkera kerd ke Beçeme Tûrcel (Hibrize Ozdurak ) 15ê hezîrana 2022yî de û Kînda Zîn ( Fatma Onur) 28ê teştîna verên a 2022yî de Herêmanê Pawitişî yê Medya de netîceya hêrişê dewleta tirke de şehîd bîyî.

Eşkerayîye de şarê welatperwerî yê Kurdîstanî rê serweşîye ameye waştene, sozê caardişê xeyalanê şehîdan ame dayene  û derheqê cuye û têkoşînê wird şehîdan de zanayîş ame dayene:

''Hemraya ma Berçeme Tûrcel 1978 de dewa Şebe ya Dêrika Çiyayê Mazî de yena dinya û keyeyêkê welatperwerî de bena pîl. Hema domanîya xo de gerîlayan nas kena û binê tesîrê Têkoşînê Azadîye yê Kurdîstanî de manena. Bado ke hîrê serrî sîstemê mektebî yê dewleta tirke de perwerde vînena mektebî caverdena. Seba ke zextê dewleta tirke yê vera şarê kurdî û vêşnayîş rijnayîşê dewa xo zî vînena sey cinîyêka ciwane wazena bibo parçeyêkê têkoşînê azadîye. Hemraya ma Berçeme 1993 de tewrê sefanê gerîlayan bena, xeyalanê xo ana ca  û 1994 de tewrê grûba perwerdeyî yê Kongreya 5. bena.  Dima ra xeylêk wext çar parçeyanê Kurdîstanî de têkoşîn kena. Xeylêk reyî tewrê perwerdeyê leşkerî û îdeolojîkî bena û gamanê xurtêran erzena. 2008 de verê xo dana Vakurê Kurdîstanî  û eyaletanê Amed, Xerzan û Erziromî de manena. Şorişê Rojawanî de sefanê verênan de cayê xo gena. Rojhelat, Başûr, Vakur û Rojawan de sey cinîya serkêşe têkoşîn kena û resena xeylêk serkewtişan.

Hemraya ma Kînda Zîn dewa Domizdere ya qezaya Afşînî ya Mereşî de yena dinya  û keyeyêkê welatperwerî de bena pîl. Seba ke dormeyo ke hemra Kînda tede ya, hem kurd û hem elewî yo dilab raştê xeztê taybetî û sîyasetê asîmîlasyonî yê dewlete yeno. Coka xeylêk keyeyî herême ra bar kenê. Keyeyê hemra Kînda de zî hema ke a 13 serrîya, bar keno şino Ewropa. Hemraya ma Kînda 1991 de partîye nêzdî ra nas kena û tewrê karanê kulturî bena û dima ra tewrê xebatanê rêxistinkerdişî bena. 1995 de resana koyanê Kurdîstanî û heta 2000î koyanê berzan ê Zagrosî de manena. Seba ke biba gerîlayêka raşte ya PKK û PJAKî gamanê girdan erzena.  Rojhelat û Herêmanê Pawitişî yê Medya xeylêk xebatan rayra bena. Xeylêk wext Komîteya Keyeyanê Şehîdan de xebityena.

Wird hemrayanê ma zî şahîdîya heme zordarîye û rindîye kerd û bîyî parçeyê têkoşînê azadîye. Wa dost û dişmenê şarê kurdî nê bizanê ke PKK û şarê kurdî pê şehadetan, raştîya şehîdan dahîna beno xurt. Ma do waştişê hemrayanê xo yê şehîdan ê azadkerdişê  Rayber Apo û Kurdîstanî bîyarê ca. Ma wird embazanê xo bi hurtmet û minetî yad kenê û sozê qesasê înan newe kenê. Ma reyna keyeyanê înan ê erjîyayeyan û şarê xo yê welatperwerî rê serweşîye wazenê.''

Nameyê Qodî: Berçeme Tûrcel

Name  Peyname: Hibrize Ozdurak

Ca û Tarîxê bîyayîşî: 1978 / Mêrdîn

Nameyê Dayîke û Babîyî: Bozê- Şêxmûs

Ca û Tarîxê Tewrbîyayîşî: 1993 / Mêrdîn

Ca û Tarîxê Şehadetî: 15ê Hezîrane ya 2022yî / Herême Pawitişî yê Medya

 

Nameyê Qodî: Kînda Zîn

Name  Peyname: Fatma Onur

Ca û Tarîxê bîyayîşî: 1976 / Mereş

Nameyê Dayîke û Babîyî: Xatûn- Elî

Ca û Tarîxê Tewrbîyayîşî: 1993 / Îngîlîstan

Ca û Tarîxê Şehadetî: 28ê Teşrîna Peyêne ya 2022yî / Herême Pawitişî yê Medya