Koordînasyonê PAJKî bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan a Mîyanneteweyîye eşkerayîye daye û nê vatî:

''Ma sere de bi wesîleya na roje wayanê Mirabalan yad kenê ke bi xoverdayîşê xo bîyî sembolê na roje û cinîyan ê dinya rê mîrasê têkoşînî verda. Ewro her cayê dinya de cinîyî vera îqtîdarê camêrdî yê panc hezar serran de xover danê. Çar leteyê Kurdîstanî, Rojhelatê Mîyanênî, Amerîkaya Başûre, Ewropa, Amerîkaya Vakure de têgêrayîşê cinîyan vînenê ke vera faşzmî têkoşîn têna nêbeno. Îqtîdarê camêrdî her rojê vera cinîyan şîdetê xo zêdîneno. Îdeolojîyê camêrdê serdestî keyeyî ra heta meketebî heme dezgehanê komelkî de camêrdî sey îqtîdarî keno bihêz û cinîye sey bêhêz û bêîrade verdeno. Her hetî ra dormeyê cinîyan yeno girewtene û yenê qirkerdene. Ganî ma vera nê camêrdîye ke vera cinîyan ameyo perwerdekerdene de xo bipawê.  Ma sey Partîya Azadîya Cinîyan ê Kurdîstanî dî ke bê xopawitişî yewna çare çîn o.

Îqtîdarê AKP-MHpyî kurdan û cinîyan bitaybetî hedef geno ke qir bikero. Vera kurdan planê çokdayîşî fînayo dewre. Îqtîdaro ke Têgêrayîşê Azadîye yê Kurdî yê Rayber Apoyî ke serkêşîya ci cinîyî kenê, ra terseno tecrîdî giran keno û planê çokdayîşî û polîtkayanê qikerdişî rayra beno. Vera hukmatê Erdoganî ke nameyê xo lîsteyê faşîstan ê dinya de dayo nuştene, Kurdîstan û Tirkîya de cinîyî rixmê heme qedexeyan xover danê. Çalakîyanê cinîyan ê Blarus, Polanya, Meksîka û xeylêk cayanê bînan ramojna ke hinî qet çew/e nêeşkeno bê îradeyê cinîyan gamêke bierzo.  

Semedê ciwîyayîşê azadî yê komel, şexs û xoza ktîrero bingeyên azadîya cinî ya. Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî û Hamleya ' Vera Qirkerdişê Cinîye, Pawitişê Cinîya Azade û Komelî' ya KJKyî nê têkoşînî temam kenê. Çarçewa nê hemleyan de ganî têkoşîn bêro pîlkerdene. Pê rexistinkerdişî ma eşkenê vera şîdetî vejîyê, bibê azad û azad bikerê.''