Koordînasyonê PAJKî bi eşkerayîyêke Roja Cinîyan ya Dinya ya 8ê Adare fîraz kerde.  

Eşkerayîya PAJKî wina ya:

''Ma şexsê Clara Zetkîn, Rosa Luxemburg, Alexandra Kollontaî, Leyla Qasim, Sakîne Cansiz, Zeynep Kinaci, Sema Yûce, Delal Amed, Bêrîvan Zîlan, Delal Pazarcix, Leyla Sorxwîn, Gûlçiya Gabar, Şîrîn Elemholî, Şîlan Kobanê, Zîlan Konya, Leyla Wan, Rêhan Amûdê, Bîşeng Brûsk-Sara Hogir û Zelale Hesekê de pêro şehîdanê şorişî bi rêzî yad kenê. Şexsê Sara Tolhildan û Rûkene Zelal de ma pêro gerîlayanê şehîdan bi minet û rêzî yad kenê. Bawerî, qehremanî û xîretê nê embazanê ma yê şehîdan hertim do bibê zanebîyayîşê ma yê 8ê Adare. Ma do çeperê xoverdayîşî û pawitişê cewherî tim pîlêr bikerê û mîrasê şehîdan bikerê kilawuzê xo.

Ma gerîlayanê YJA-Starî, fermandar û şerwananê YPJ, HPJ, YJŞ û pêro yewinanê cinîyan, xoverdayoxanê zîndanan, dadîyanê Nobeta Edaletî, pêro cinîyan ê kurdan û dinya selam kenê û bi coşê şorişî 8ê Adare yê nînan fîraz kenê.

Sîstemê serdestîya camêrdan o zorbaz vera cinîyan û komelî şerê tewr pîlî keno. Şerê Dinya yo Hîrêyîn bi lezî vila beno. Çîyê ke Kurdîstan, Filîstîn, Afganîstan, Îran, Iraq, Tirkîya, Sûrîye, Ukrayna, Armenîstan û cayanê bînan de qewimîyenê asta tehlukeyîne de yê. Nê eqlê şerî yê camêrdan rê mudaxelekerdiş ferz o. Nê sîstem û rewşe de qetilkerdişê cinîyan bîyo rûtîn û tecawuzê sîstemî zêdîyayo.

Ma sey cinîyan eşkenê çarenusê sîstemê pederşahîye seba cinîyan û bindestan xera bikerê û qederê xo bivurnê. Perspektîfê 8ê Adare raştîya Şerê Dinya yê Hîrêyînî de erk û manayê neweyî bar kerdî. Stratejî û taktîkê têgêrayîşanê cinîyan û têkoşînê komekîyî manaya ciwîyayîşî de yê. Vera şerî û sîstemê kapîtalîstî caardişê paradîgmaya çareserîye tewirê ma yo stratejîk û bernameyê ma yê têkoşînî yo.

Seba xelisnayîşê cînsîyetê cinîyan sîstemêko newe lazim o. Ganî cinîyî kom bibê û vera şerê globalî yê emperalîstî têkoşînê azadîye yê globalî bikerê. Tek hêzo ke do bieşko dinya bivurno cinî yê. Ma dewrê şorişê cinîyan de yê. Şert û mercî seba şorişê cinîyan mumkîn ê. Ma eşkenê bi awankerdişê sîstemê konfederal, bi pîlkerdişê yewinanê xoverdayîşê pawitişê cinîyan, bi ferasetê yewîye, bi çalakîyan sîstemê camêrdan birijnê.

Rayber Apo bi paradîgmaya xo ya azadîgirîya cinîyan seba pêro cinîyanê dinya çimeyê îlhamî yo. Vera  hêzanê Komployê Mîyanneteweyîyî ganî ma pêro beşdarê Hemleya ''Abdullah Ocalanî rê Azadîye, Meseleya Kurdan rê Çareserîye' bibê û bi hawayêkê radîkalî na hemle aver berê. No vengdayîşê ma yê 8ê Adare yo. Pêro kurdîstanijî serkewtişê na hemle ra mesuldar ê. Na hemle şexsê Rayber Apoyî de seba cinîyan ameyox o, vera camêrdan mecburîyet o. Bi wesîleya 8ê Adare ma ancî Raybe rApoyî bi heskerdiş, hûrmetî selam kenê. Ma qerardar ê ke xeta fedayîtîye de şer bikerê û paradîgmaya Rayber Apoyî bivisnê serî.

Peynîya îqtîdaranê Netanyahu, Erdoganê faşîstî û peynîya partîyanê kontrayan ê sey PDK-HUDAPARî ameya. Vera nînan têkoşînkerdiş tewirê ma yo estbîyayîşî yo. Seba ney ma do dinyaya xo bi konfederalîzmê demokratîkî awan bikerê, bi zanayîşê Jineolojî roşnî bikerê û weçînayîşan de zî rayîranê têkoşînî bizêdînê, îqtîdaranê patrîyarka birijnê.

Ma hetê cinîyanê Filîstînî, Afganîstanî, Îranî, Tirkîya û ereban de yê. Bi na wesîle ma pêro cinîyanê ke têkoşîn kenê, afernenê, beranê û ked danê selam kenê. Ma venga pêro cinîyan danê ke her roje bi îstanê 8ê Adare pêşwazî bikerê, biherîkê waranê 8ê Adare.''