Koordînasyonê PAJK'î bi eşkerayîyêk nuştekîye   Gulnaz Karataşe (Bêrîtane) yad kerde nê pare kerdî:

 ''Meneya ke xoverdayîşê pîlî  yê embaze Bêrîtane û şehadetê aye ameyî parekerdene û gama pîle ya ke pê ameye eştene artêşbîyayîşê cinîyan a. Xeta Bêrîtana ke xoverdayîşê Têgêrayîşê ma yê cinîyan û rêçê têkoşînê de xetêke yo, bi keda pêroyê şehîdanê ma yê xoverdayîşî zêdêr xurt bîyo. Ewro no rêç, bi Arîn, Amara û Barînan seba pêroyê têgêrayîşê azadîye yê cinîyan bîyo hedef. Bêrîtane ser nameyê azadîye bîye qerardarîye, xoverdayîş û îrade.Dewleta Tirkî ya îşxalkare 25'ê Teşrîna Verêna 1992 de bi hêzanê xizimkaran, wexto hêrişanê îşxalkaran ê serê Başûrê Kurdistanî de cepheyê Xakurkê de bi xeta pîle ya xoverdayîşî rê bîye cewab. Embaza ma Gulnaz Karataşe (Bêrîtane)a ke sembola xoverdayîşî ya, bi îradeyê cinîya Kurd a ke teslîm nêno girewtene, heta bi guleyê xo yo peyên şer kerd, dima ke çekê xo şikit, xo hişarî ra eşte û verba teslîmbîyayîşî qerarê xo xoverdayîş bîyo. No xoverdayîşo destanî sey xeta Bêrîtane ame namekerdene."

PAJK'î da zanayene ke cinîyan ê Kurdistanî zêdêr hewce dî ke rêxistinîya xetêka newîye ya pawitişî bikê, naye ra bi artêşbîyayîşê cinîye sazkerdişê rêxistinêka newîye dest pêkerde. PJAK'î îfade kerd ke  şîyayîşê cinîyan ê koyan kerd ke xeta PKK'yî û PAJK'î bibe komelkî û azadîye Kurdistan de zîl bibe û ame vatene: "Mîmaranê naye ra yew zî embaze Gulnaz Karatşe (Bêrîtane) bîye. 

PAJK'î vat: Xeta Bêrîtane bi PKK û PAJK'î reyde bîye xeta îdeolojîke, şaranê Rojakewtena Mîyanêne ra bîye hêvî, Bêrîtane bîye sembol, menga Teşrîna Verêne de bi desan şehîdan rayîrê Bêrîtane taqîb kerd.  Cinîyê Tirke, Çerkeze, Almane, Erebe tewrê rayraşîyayîşê azadîye bîyî ke Rayber Apoyî dabi destpêkerdene. Cinîyê ke nê rayraşîyayîşê bi xeta PKK û PAJK'î rêxistinîya xo kenê, ewro seba ke cuya azade saz bikê, pêroyê cayanê dinya de têkoşînê azadîye geş kenê."

Eşkerayîye bi nê vatişan ameye qedînayene: ''Ma embazanê xo (Bêrîtane)-Gulnaz Karataşe, (Zeynepe)-Gurbetellî Ersoz, (Sarya)- Nursel Înce, (Ekind)- Incî Çelîk, (Meryemd)-Meryem Hazar Çolakd, (Canda)- Sanem Sertapd, (Helî Çerkez)-Nermîn Akkuşe, (Ronahî)- Andrea Wolf, (Bermale)-Guler Ortaçe, (Rewşene)- Leyla Kaplan, Rojbîn Arape, Selamet Menteşe, Aynur Artane, Rûken Bingole, Rojîn Gevda, Arîn Mîrkane, Dîcle Zafer, Medya Mawa reyna bi hûrmet yad kenê, ma soz danê vîrameyîşanê înan ke ma do Kurdistano Azad saz bikê."