Koordînasyonê PAJKî bi eşkerayîyêke Endama Meclîsê Leşkerî yê YJA Starî û Endama Meclîsê Partîye yê PAJKî Vîyane Caf (Leyla Walî Huseyîn) yad kerde û vat çalakîya Cafe vera Komployê 15ê Sibate mesajêk bîye.

''Eşkerayîye ra tayî cayî wina yê: 

Hemra Vîyane 2016 de şewa ke 1ê sibete bestêne 2ê sibate bi çalakîya xo ramojna dost û dişmenî ke têkoşîn senî bi qerardarîya gide dewam keno. Hemra Viyan a ke bajarê Silemenî yê Başûrî Kurdîstanî de bi serhildananê şarî bîyî pîle Meclîsê Partîya ma de ca girewtêne. Verê hêrişê tarîkerdişê tije hemra Vîyane  semedê roşnîkerdişê tije bi qerardarîye têkoşîn kerd û  tarîxê têkoşînê ma de cayê xo girewt.

Hemra Vîyane nameya ke vera Komployê Mîyannateweyî yo ke şexsê Rayber Apoyî de vera şarê kurdî û şaranê Rojhelatê Mîyanênî ame kerde nuşte wina vatêne: 'Komployî vera Îmrali û şarê kurdî prosesêko bitehluke da destpêkerdene. Yeno waştene ke têkoşînê Rayber Apoyî û şarê kurdî yê haştîye û demokrasî bêro şikitene. Wazenê ke Rayber Apo teslîm bo. Wazenê ke bê Rayber Apoyî ma  bêîrade û bêîdeolojî verdê.'

Nê tesbîtê hemraya Vîyane ewro reyna eşkereya yeno vînayene ke bi girdkerdiş dewam kenê. Hemraya Vîyane çalakî kerde ke tecrîdê vera Rayberê Apoyî bêro şikitene û dost û hemrayî vera tecîrdî hîna hîsdar bê. Tecrîdê serê Rayber Apoyî hêrişê qirkerdişî yo. Hêrişêko îdeolojîk, sîyasî û kulturkî yo.  Tecrîd îşxalê Kurdîstan û Rojhelatê Mîyanên o. Tecrdî qirkerdiş o. Ma sey Partîya Cinîyan ê Azadan ê Kurdîstanî do rêça Rayberê xo de têkoşînî gird bikerê. Ma şexsê Şehîde Vîyane Caf de şehîdanê sibate û yad kenê û sozê xurtkerdişê têkoşînî newe kenê.''