Koordînasyonê PAJKî derheqê serrgêra ronayîşê PKKyî de eşkerayîyêka nuştekîye daye.

Eşkerayîya PAJKî wina ya:

''Ma serrgêra 42. ya ronayîşê PKKyî fîraz kenê. Roşanê Gandarbîyayîşî yê Rayberê ma, şarê ma, şehîdanê ma, embazanê ma fîraz bo. Şehîdê ma yê verênî Hakî Karerî ra heta Besê Anûş, Gulnaze Karataş, Gûrbettelî Ersoz, Hozane Mizgîne, Delale Amed, Zîne, Berçeme Gever û  Leyla Agirî ma pêro şehîdanê bi hûrmet û heskerdişî yad kenê. Ma sozê xo dibare kenê ke ma do pêro hesret û vîrameyîşê şehîdanê xo bîyarê ca.

Nê prosesî de ke modernîteya kapîtalîste koletîye ra ber weçînayîşêk nêverdabi, PKK rayberîya Serek Apoyî de vejîya werte. PKK wayîrê hêvîya têkoşînê komelanê herême vejîya. Seba ke Kurdîstan de û Rojhelatê Mîyanênî de şar zemînê hemparî yê cuye de biciwîyo PKKyî perpektîfo îdeolojîş eşt werte. PKK bi demokrasî, azadîya cinîyan, ekonomîya ekolojîke vera netewe-dewlete cuyêka alternatîfe awan keno. Îdeolojîya Rayber Apoyî ewro têna Kurdîstan de nê pêro Rojhelatê Mîyanênî de û dinya de vila bena. PKK hînî têna hêzê kurdan nê hêzê azadîwaştoxî yê komel û cinîyanê şaranê Rojhelatê Mîyanênî yo.

PKK partîya cinîyan a. Rayber Apoyî cinîyan rê modernîteya demokratîke sey krîterêkê azadîya înan mojnaye. PKKyî cîyakerîya vera cinîyan û koledarîya cinîyan red kerdî û xo rê têdûştîya cinîyan esas girewte. PKK sey partîyêka cinîyan seba temsîlkarîya têdûşte her war de arde ca.

Ewro çar parçeyanê Kurdîstanî de hêzê îşxalker û kolonyalîstî seba ke destkewteyanê kurdan werte ra wedarê hêrişanê kurdan kenê. La ganî bizanîyo ke partîya ma serra 42. de bi bedelanê pîlan hînî bîya partîyêka mende. Serra 43. de zî îrade û xoverdayîşê partîya ma do bin nêkewê û serkewtişanê neweyan bivisnê destî. Kadroyê PKK û PAJKî têkoşînê xo pê qerardarî do dewam bikerê.

Pêro karoyê ma yê PKK û PAJKî wayîrê hemleyanê 'Wext Wextê Azadîye yo' û 'Vera qirkerdişê cinîyan wext wextê pawitişê cinîya azade û komelî yo' vejîyenê û wezîfeyanê xo anê ca.Ma do serkewtiş bivisnê destî. ''