Koordînasyonê PAJKî bi eşkerayîyêke paştî daye xoverdayîşê zîndanan û PDK rexne kerd.

Eşkerayîye wina ya:

''Hemleya 'Tecrîd, Faşîzm, Îşxalî rê Bes o; Wext Wextê Azadîye yo' ya têgêrayîşê ma her hetî de hetê pêro kurdan ra ameye wayîrvejîyayene. Hemleya ma bi qerardarî dewam kena. Embazanê ma yê terefgîranê PKK-PAJKî zîndanan de bi grevê vêşanîye tewrê na hemle bîyî. Hêzê faşîst, qirker û kolonyalîstî do pê têkoşînê şarê ma çin bibê.

Faşîzm û dîktatorîye çarenusê na cografya nîyê. Ewro hukmato faşîst ê Erdoganî pêro dinya rê gef waneno û demokrasî asteng keno. Dewleta tirke bi cerganê DAÎŞî û pêşmergeyanê Roje her ca qirkerdişan kena. Nê kesî sere de Efrîn her ca de cinîyan rê tacîz û tecawuzan kenê û polîtîkaya qirkerkerdişî anê ca. PDK û rejîmê AKP-MHPyî bi israrî wina mojnenê ke mesuldarê nê hêrişan PKK yê û faşîzmê xo mîyan kenê. PKK ameyoxê pêro cinî û şaranê demokratîkan paweno. Seba ke Rayberîye ma ney temsîl keno tecrîdê Îmraliyî ame xorinkerdene. Kesê ke na raştîye dîye ganî tewrê Hemleya KCK-KJKyî bibê.Grevê vêşanîye yê tepişteyanê PAJK-PKKyî zaf manadar û ercîyaye yo. Ma embazanê xo rê bi ruhê xoverdayîşî selam kenê. Xoverdayîşo ke dormeyê Rayber Apoyî de Kurdîstan, Rojhelatê Mîyanênî, teberê welatî  û zîndanan de yeno berzkerdene, qetî do ser bikewo.

Sere de hêzê gerîlayî Şingal, Rojawan, Başûr, Vakur û Ewropa de cinîyê kurdî û şarê kurdî vera faşîzmî bi hawayêkê pîlî xo ver danê. Xoverdayîşo ke Garê û Heftanîn de vera îxanet û faşîzmî yeno kerdene armanc keno ke rûmetê merdimîye bipawo û azadîye bîyaro ca. Gerîlayî ameyoxê roşnî yê şarê ma temsîl kenê. Coka ganî PDK îxanet war verdo, rejîmê Erdoganî yê faşîstî xurt nêkero, ameyoxê kurdan bi taybetî ê başûrijan nêvisno binê tehlukeyî û tewirê xo ra fek vera bido ke rayîr dano kolonyalîzm.

Ganî her kes nê prosesê tarîxîyî de bi mesuldarî têbigêro û seba ameyoxê azadî yê kurdan têkoşîn berz bikero. Ma venga ciwan û cinîyan ê kurdan danê ke nê prosesê krîtîkî de rayîr nêdê faşîzm û îxanetî, çalakîyanê xo dewam bikerê û rayberîya hemle bikerê.

Ma reyna sozê xo anê ziwan ke xeta azadîye ya şehîdanê ke Kurdîstan îşxalkeran rê kerd zîndan û xeta xoverdayîşî ya ke Heftanînî ra heta Serhed pêro Kurdîstan de dewam keno ma do esasê nê xetan ser o û bi ruhê xoverdayîşî têkoşînê xo bi serfîrazî tacîdar bikerê.''