Paytexrê Fransa Paris de Dergahê Pîr Sultan Abdalî yo ke pabesteyê FEDA yo û PAZEMî panele 8ê Adare organîze kerd.  

Xeylêk cinîyî tewrê panelî bîyî, qiseykerdişê akerdişî hetê Hemsereka PAZEMî Fîdane Can ra ame kerdene.

Hemsereka FEDA Hurî Kabayela ke sey qiseykerdoxî tewrê panelî bîye, ard ziwan ke rîyê erdlerzî ra emser 8ê Adare zerteng ame pîrozkerdene û  bale ante têkoşînê cinîyan ser.

Vervatoxa Yewîya Cinîyan ê Elewîyan ê Demokratîkan ê Ewropa Songule Morsumbul Tarhan zî vist vîrî ke bawerîya elewîtîye de mîyanê komelî de cayê cinîyan est o vat gerek paştîdayîş bêro xurtkerdene.